Germany - Samakaalikam - 10120201economy

Advertisements

ജര്‍മന്‍ അതിജീവനം യൂറോപ്യന്‍ സമ്പദ് വ്യവസ്ഥയെക്കുറിച്ച് ഉയര്‍ത്തുന്ന പഴയ ചോദ്യങ്ങള്‍

ജോസ് കുമ്പിളുവേലില്‍

Photo #1 - Germany - Samakaalikam - 10120201economy

കോവിഡ്~19 പടര്‍ന്നു പിടിക്കുന്നതിനു തൊട്ടു മുന്‍പുള്ള കാലഘട്ടത്തില്‍ ജര്‍മന്‍ സമ്പദ് വ്യവസ്ഥ തളര്‍ച്ചയിലായിരുന്നു. എന്നാല്‍, കോവിഡ് കാലത്തിന്റെ മൂര്‍ധന്യത്തിലെ തിരിച്ചടികളില്‍ നിന്ന് രാജ്യം അതിശക്തമായി കരകയറിക്കൊണ്ടിരിക്കുകയാണ്. ഈ സാഹചര്യം യൂറോപ്യന്‍ സമ്പദ് വ്യവസ്ഥയുടെ രണ്ടു വ്യത്യസ്ത മുഖങ്ങളെക്കുറിച്ചുള്ള പഴയ ചില ചോദ്യങ്ങളാണ് വീണ്ടും സജീവമാക്കുന്നത്.

രണ്ടാം ലോകയുദ്ധം കഴിഞ്ഞ് രണ്ട് വര്‍ഷമായപ്പോഴേക്കും യൂറോപ്യന്‍ സമ്പദ് വ്യവസ്ഥ കടുത്ത പ്രതിസന്ധിയിലേക്ക് നിപതിച്ചിരുന്നു. എന്നാല്‍, ആ സമയമായപ്പോഴേക്ക് യുദ്ധത്തില്‍ തകര്‍ന്നടിഞ്ഞ ജര്‍മനിയുടെ തിരിച്ചുവരവ് ആരംഭിച്ചു കഴിഞ്ഞിരുന്നു. തുടര്‍ന്നുള്ള കാലം യൂറോപ്യന്‍ സമ്പദ് വ്യവസ്ഥയുടെ ചാലകശക്തിയായി ജര്‍മനി മാറുന്നതാണ് ലോകം കണ്ടത്.

1950കളുടെ തുടക്കം മുതല്‍ യൂറോപ്യന്‍ സമ്പദ് വ്യവസ്ഥയുടെ ഉയിര്‍ത്തെഴുന്നേല്‍പ്പ് കണ്ടു. അതിന്റെ ഹൃദയ ഭാഗത്ത് ജര്‍മന്‍ സമ്പദ് വ്യവസ്ഥ പ്രോജ്ജ്വലിച്ചു നിന്നു. തുടര്‍ന്നുള്ള രണ്ട് പതിറ്റാണ്ട് രേഖപ്പെടുത്തിയ ചരിത്രത്തിലെ ഏറ്റവും സമൃദ്ധമായ കാലമായിരുന്നു.

ഇപ്പോള്‍, ഈ 2020ലും യൂറോപ്യന്‍ സമ്പദ് വ്യവസ്ഥ ചരിത്രത്തിലെ നിര്‍ണായകമായ ഒരു വഴിത്തിരിവിലാണ്. മഹാമാരി ഇനിയും കെട്ടടങ്ങിയിട്ടില്ലെന്നു മാത്രമല്ല രണ്ടാം തരംഗം പൂര്‍വാധികം രൂക്ഷമായി പടര്‍ന്നുപിടിക്കുകയുമാണ്. സമ്പദ് വ്യവസ്ഥകളുടെ തിരിച്ചുവരവിനെക്കുറിച്ച് വ്യക്തമായി ഒന്നും പറയാനുള്ള സാഹചര്യമായിട്ടില്ലെങ്കിലും ജര്‍മന്‍ സമ്പദ് വ്യവസ്ഥയുടെ ഇപ്പോഴത്തെ അവസ്ഥ മറ്റു യൂറോപ്യന്‍ രാജ്യങ്ങളുടേതുമായി താരതമ്യം ചെയ്യുമ്പോള്‍ ഇപ്പോഴും ഏറെ മികച്ചു തന്നെ നില്‍ക്കുന്നു എന്ന് വ്യക്തമാണ്.

മേഖലയിലെ മറ്റു വലിയ സമ്പദ് വ്യവസ്ഥകളായ ഫ്രാന്‍സ്, ബ്രിട്ടന്‍, ഇറ്റലി, സ്പെയ്ന്‍ എന്നീ രാജ്യങ്ങളുടെ ജിഡിപി തളര്‍ച്ചയോളം വന്നില്ല ജര്‍മനിയുടേത്. വര്‍ഷത്തിന്റെ മൂന്നാം പാദത്തില്‍ ജിഡിപിയില്‍ പ്രവചിക്കപ്പെടുന്ന തിരിച്ചുവരവ് മറ്റു രാജ്യങ്ങളുടേതിനെക്കാള്‍ ശക്തവുമാണ്.

ഇതര യൂറോപ്യന്‍ രാജ്യങ്ങളെ അപേക്ഷിച്ച് ദുര്‍ബലമായ ലോക്ക്ഡൗണ്‍ നിയന്ത്രണങ്ങള്‍, വ്യവസായികള്‍ക്കും പൗരന്‍മാര്‍ക്കും സര്‍ക്കാര്‍ തലത്തില്‍ നല്‍കുന്ന സാമ്പത്തിക പിന്തുണ എന്നിവയാണ് ജര്‍മനിയുടെ നില താരതമ്യേന ഭേദപ്പെട്ട രീതിയില്‍ നിലനിര്‍ത്തുന്നതെന്നാണ് വിലയിരുത്തല്‍.

- dated 30 Sep 2020

Comments:

Keywords: Germany - Samakaalikam - 10120201economy Germany - Samakaalikam - 10120201economy,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles:

ആര്‍മിന്‍ ലാഷെറ്റ് ചാന്‍സലര്‍ സ്ഥാനാര്‍ഥിയാകില്ല?
തുടര്‍ന്നു വായിക്കുക

എല്ലാവര്‍ക്കും അടിസ്ഥാന വരുമാനം: യൂറോപ്പിന്റെ പുതിയ മാര്‍ഗം?
തുടര്‍ന്നു വായിക്കുക

മെര്‍ക്കല്‍: ചാന്‍സല്‍റിയിലെ ഒന്നര പതിറ്റാണ്ട്
തുടര്‍ന്നു വായിക്കുക

ബൈഡന്റെ വിജയം ജര്‍മനിക്ക് സ്വീകാര്യം
തുടര്‍ന്നു വായിക്കുക

ജര്‍മനി ~ യുഎസ് ബന്ധം തുലാസില്‍; പ്രതീക്ഷ ബൈഡനില്‍
തുടര്‍ന്നു വായിക്കുക

ലോക്ക്ഡൗണ്‍ റദ്ദാക്കാന്‍ ജര്‍മന്‍ കോടതികള്‍ക്കു സാധിക്കുമോ?
തുടര്‍ന്നു വായിക്കുക

List all titles