അബുദാബി: യു എ ഇ സര്‍ക്കാര്‍ പ്രഖ്യാപിച്ച പൊതുമാപ്പ് രണ്ട് മാസത്തേക്ക് കൂടി നീട്ടി. ഫെഡറല്‍ അതോറിറ്റി ഫോര്‍ ഐഡന്‍റിറ്റി, സിറ്റിസണ്‍ഷിപ്പ്, കസ്ററംസ്, പോര്‍ട്ട്സ് സെക്യൂരിറ്റി യാണ് ഇക്കാര്യം അറിയിച്ചത്.പുതിയ സമയപരിധി 2024 ഡിസംബര്‍ 31~ന് അവസാനിക്കും.സര്‍ക്കാര്‍ ആദ്യം പ്രഖ്യാപിച്ച രണ്ട് മാസത്തെ പൊതുമാപ്പ് കാലാവധി ഇന്ന് (ഒക്ടോബര്‍ 31 ) അവസാനിക്കാനിരിക്കെയാണ് വീണ്ടും നീട്ടി നല്‍കിയത്.
നിയമവിരുദ്ധമായി രാജ്യത്ത് താമസിക്കുന്ന ആളുകള്‍ക്ക് പിഴയോ യാത്രാ നിരോധനമോ ഇല്ലാതെ രാജ്യം വിടുന്നതിനോ താമസം നിയമപരമാക്കുന്നതിനോ അവസരം നല്‍കുന്നതാണ് പൊതുമാപ്പ്.
ആയിരക്കണക്കിന് പേര്‍ ഈ സൗകര്യം പ്രയോജനപ്പെടുത്തി സ്വദേശത്തേക്ക് മടങ്ങി. നിരവധി പേര്‍ താമസം നിയമപരമാക്കുകയും ചെയ്തിട്ടുണ്ട്.
Comments: