പോലീസുമായുള്ള കാര്‍ ചേസിനിടെ വെടിവെയ്പ്പ്; അപകടത്തില്‍ പരിക്കേറ്റ 17 കാരന്‍ അറസ്ററില്‍

ബര്‍ലിന്‍: ജര്‍മ്മനിയിലെ സാക്സോണിയില്‍ സിനിമയെ വെല്ലുന്ന രീതിയിലുള്ള പോലീസ് വേട്ടയും വെടിവെയ്പ്പും അപകടവും നടന്നു. കോസ്വിഗ് എന്ന സ്ഥലത്ത് പോലീസ് പരിശോധനയ്ക്ക് നില്‍ക്കുമ്പോള്‍ നിര്‍ത്താതെ പായുകയായിരുന്ന സ്കോഡ ഫാബിയ കാറിനെ പോലീസ് പിന്തുടരുകയായിരുന്നു. തിങ്കളാഴ്ച പുലര്‍ച്ചെയായിരുന്നു ഈ സംഭവം. 17 വയസ് മാത്രം പ്രായമുള്ള ജര്‍മ്മന്‍ പൗരനാണ് കാര്‍ അതിവേഗത്തില്‍ ഡ്രെഡ്ഡന്‍ ഭാഗത്തേക്ക് ഓടിച്ചുപോയത്. തുടര്‍ന്ന് നിയന്ത്രണം നഷ്ടപ്പെട്ട കാര്‍ റോഡരികില്‍ കിടന്നിരുന്ന മറ്റ് വാഹനങ്ങളില്‍ ഇടിച്ചു മറിഞ്ഞു.

ടയറിലേക്ക് വെടിയുതിര്‍ത്ത് പോലീസ്:

കാര്‍ വീണ്ടും ഓടിച്ചു രക്ഷപ്പെടാന്‍ ശ്രമിച്ചപ്പോള്‍ പോലീസ് വാഹനത്തിന്റെ ടയറുകള്‍ ലക്ഷ്യമാക്കി വെടിയുതിര്‍ത്തു. സ്കോഡ കാറിന്റെ ബോഡിയിലും വെടിയുണ്ട തുളച്ചുകയറിയ പാടുകളുണ്ടായിരുന്നു. തുടര്‍ന്ന് കുറഞ്ഞ ദൂരത്തിനുള്ളില്‍ കാര്‍ നിന്നു. ഈ സംഭവത്തില്‍ പോലീസിന്റെ പട്രോള്‍ കാറിനും കേടുപാടുകള്‍ സംഭവിച്ചു. കാറില്‍ ൈ്രഡവര്‍ക്ക് പുറമെ 16~ഉം 18~ഉം വയസ്സുള്ള നാല് പേര്‍ കൂടി ഉണ്ടായിരുന്നു. ഇവരില്‍ 18 വയസ്സുള്ള ഒരു യുവതിക്കും യുവാവിനും ഗുരുതരമായി പരിക്കേറ്റിട്ടുണ്ട്. മറ്റുള്ളവര്‍ക്ക് നിസ്സാര പരിക്കുകളുമുണ്ട്. എന്നാല്‍ ഈ പരിക്കുകളെല്ലാം കാറപകടത്തില്‍ ഉണ്ടായതാണെന്നും വെടിയേറ്റുണ്ടായതല്ലെന്നും പോലീസ് വ്യക്തമാക്കിയിട്ടുണ്ട്.

ൈ്രഡവിംഗ് ലൈസന്‍സ് ഇല്ലായിരുന്നു:

കാര്‍ ഓടിച്ച 17 കാരന് ൈ്രഡവിംഗ് ലൈസന്‍സ് ഇല്ലായിരുന്നു. സംഭവസ്ഥലത്തു വെച്ച് നടത്തിയ പരിശോധനയില്‍ കുട്ടിയുടെ ശരീരത്തില്‍ 0.5 പ്രൊമില്ലെ അളവില്‍ മദ്യത്തിന്റെ അംശം ഉള്ളതായി കണ്ടെത്തി. കൂടാതെ കാറില്‍ ഘടിപ്പിച്ചിരുന്ന നമ്പര്‍ പ്ളേറ്റുകളും വ്യാജമാണെന്ന് തെളിഞ്ഞിട്ടുണ്ട്. സംഭവസ്ഥലത്തു വെച്ച് തന്നെ കുട്ടിയെ പോലീസ് അറസ്ററ് ചെയ്തു.