Advertisements
|
അല്‍ഫോന്‍സാമ്മ പ്രവാസി സഭയ്ക്ക് അനുഗ്രഹം; മാര്‍ ജേക്കബ് അങ്ങാടിയത്ത്
മാര്‍ട്ടിന്‍ വിലങ്ങോലില്‍
കൊപ്പേല്‍: സെന്റ് അല്‍ഫോന്‍സാ ദേവാലയത്തില്‍ ജൂലൈ 22 മുതല്‍ 31 വരെ നടന്നു വന്ന വിശുദ്ധ അല്‍ഫോന്‍സാമ്മയുടെ തിരുനാളിനു ഭക്തിനിര്‍ഭരമായ സമാപനം. അല്‍ഫോന്‍സാമ്മയുടെ അനുഗ്രഹം തേടി ആയിരങ്ങളാണ് ഡാളസിലും സമീപ പ്രദേശങ്ങളില്‍ നിന്നുമായി ആരാധനകളിലും നൊവേനകളിലും വി. കുര്‍ബാനകളിലും പങ്കുചേരുവാന്‍ ഈ ദിവസങ്ങളില്‍ ദേവാലയത്തില്‍ എത്തിയത്.
ജൂലൈ 30 നു ശനിയാഴ്ച വൈകുന്നേരം നടന്ന തിരുനാള്‍ നൊവേനയില്‍ അമേരിക്കയിലെ സീറോ മലബാര്‍ മെത്രാന്‍ മാര്‍ ജേക്കബ് അങ്ങാടിയത്ത് മുഖ്യ കാര്‍മികത്വം വഹിച്ചു. സീറോ മലബാര്‍ സഭയ്ക്കു കിട്ടിയ അനുഗ്രഹമാണ് വിശുദ്ധ അല്‍ഫോന്‍സാമ്മ. അല്‍ഫോന്‍സാമ്മയുടെ അനുഗ്രഹത്താല്‍ പ്രവാസ സഭകള്‍ അതിവേഗം പടര്‍ന്നു പന്തലിക്കുകയാണ്. അല്‍ഫോന്‍സാമ്മയുടെ സഹനവും വിശുദ്ധിയും ഏവരും മാതൃകയാക്കണമെന്നു മാര്‍ അങ്ങാടിയത്ത് വിശ്വാസികളെ ഓര്‍മ്മിപ്പിച്ചു.
പ്രധാന തിരുനാള്‍ ദിവസമായ ഞായാറഴ്ച നടന്ന വി. കുര്‍ബാനയില്‍ മാര്‍. ജേക്കബ് അങ്ങാടിയത്ത് മുഖ്യ കാര്‍മ്മികത്വം വഹിച്ചു. വികാരി ഫാ. ജോണ്‍സ്ററി തച്ചാറ, ഫാ. ജോര്‍ജ് എളമ്പാശേരില്‍, ഫാ. ഏബ്രഹാം വാവോലിമേപ്പുറത്ത്, ഫാ. ഫ്രാന്‍സിസ് നമ്പ്യാപറമ്പില്‍, ഫാ. തോമസ് കടുകപ്പിള്ളില്‍, ഫാ. ജോസ് കട്ടക്കല്‍, ഫാ. ജോഷി ചിറക്കല്‍, ഫാ. ജോസഫ് അമ്പാട്ട് എന്നിവര്‍ സഹകാര്‍മ്മികരായി.
ഫാ. തോമസ് കടുകപ്പിള്ളില്‍ വചന സന്ദേശം നല്‍കി. സഹനത്തെ അല്‍ഫോന്‍സാമ്മ വിശുദ്ധീകരിച്ചു. സഹനം സ്നേഹമായി കണ്ട അല്‍ഫോന്‍സാമ്മ, സഹനത്തെ അതിജീവിക്കുവാന്‍ തിരഞ്ഞെടുത്ത മാര്‍ഗം പ്രാര്‍ത്ഥനയായിരുന്നു. സഹനത്തിലൂടെ ദൈവേഷടം നിറവേറ്റിയ പുണ്യവതിയുടെ ഈ സഹനമാണ് മറ്റുള്ളവര്‍ക്കു പിന്നീട് അനുഗ്രഹമായി മാറിയതെന്നു ഫാ. തോമസ് കടുകപ്പിള്ളില്‍ സന്ദേശമധ്യേ പറഞ്ഞു.
വിശുദ്ധരുടെ തിരുസ്വരൂപങ്ങള്‍ വഹിച്ചു തുടര്‍ന്നു പള്ളി ചുറ്റി ആഘോഷമായ പ്രദക്ഷിണം നടന്നു. പരിശുദ്ധ കുര്‍ബാനയുടെ ആശീര്‍വാദവും സ്നേഹവിരുനിന്നും ശേഷമാണ് പ്രധാന തിരുനാള്‍ സമാപിച്ചത്. തിരുനാള്‍ ആഘോഷങ്ങള്‍ക്ക് ഇടവക വികാരി ഫാ. ജോണ്‍സ്ററി തച്ചാറ, കൈക്കാരന്മാരായ അപ്പച്ചന്‍ ആലപ്പുറം, ജൂഡിഷ് മാത്യു, നൈജോ മാത്യു, പോള്‍ ആലപ്പാട്ട്, ജെജു ജോസഫ് (സെക്രട്ടറി) എന്നിവര്‍ നേതൃത്വം നല്‍കി. |
|
- dated 15 Aug 2016
|
|
|
|
Comments:
Keywords: America - Spiritual - st_alphonsa_feast_dallas America - Spiritual - st_alphonsa_feast_dallas,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
|
Other News Titles:
|
|
Advertisements
|
